KANSVATTER 2026
- Tuis
- KANSVATTER
Welkom by KANSVATTER 2025
Welkom by KANSVATTER 2025, Suid-Afrika se voorste redenaarskompetisie wat jong sprekers help om hul selfvertroue te bou, hul vaardighede te slyp en ‘n blywende indruk te maak. Of jy ‘n beginner of ‘n ervare spreker is, hier kry jy die perfekte geleentheid om jou stem te laat hoor en deel te wees van ‘n kompetisie wat passie, talent en deursettingsvermoë vier.
Sprekers van alle ouderdomme (Graad 1 – 12) word uitgedaag om met oortuiging en selfvertroue hul gedagtes te deel – of dit nou ‘n redenaarstoespraak, ‘n motiveringstoespraak, of ‘n vermaaklikheidstoespraak is.
Met verskeie deelname-opsies kan jy individueel deelneem, saam met ‘n span werk, of jou vaardighede in ‘n onvoorbereide toespraak toets. Ons streef daarna om ‘n eerlike, stimulerende en regverdige platform te bied waar elke deelnemer ‘n kans kry om te groei en te presteer.
Hierdie is nie net ‘n kompetisie nie – dis ‘n geleentheid om te leer, te ontwikkel en jou stem kragtiger as ooit te maak!
HOE WERK REGISTRASIE?
Alle INDIVIDUELE VOORBEREIDE kwalifiserende rondes en semi-finale word via WhatsApp-video-oproepe afgehandel. Elke provinsie het sy eie sperdatum vir registrasie. Die finaal word lewendig in Pretoria, te Laerskool Constantiapark, 12 & 13 September 2025 gehou.
REGISTRASIEKOSTE
Individue:
R240 per item
Spanne:
R550 per item
Organiseerder
KANSVATTER Ronde 1 en die semi-finaal inligting
Stuur YouTube video SKAKELS vir Petrus Jacobs na sy nommer 082 822 5233 vanaf 22 - 25 Julie 2025
LET WEL: Stuur YouTube video SKAKELS, en NIE WhatsApp video's NIE!
Kontak Ons
E-pos: motivation@champ7.co.za
Phone: 082 822 5233
DIE FINAAL IN PRETORIA
Waar?
Die Kansvatter 2025 finaal word lewendig in Pretoria, te Laerskool Constantiapark, 12 & 13 September 2025 gehou.
Kleredrag vir FINAAL?
Vir die FINAAL dra sprekers skoolklere aangesien hulle hul skole verteenwoordig.
DATUMS:
NASIONALE FINAAL:
Laerskool Constantiapark 12 & 13 September 2025
KANSVATTER semi-finaal inligting
Stuur YouTube video SKAKELS vir Petrus Jacobs na sy nommer 082 822 5233 vanaf 22 - 25 Julie 2025.
LET WEL: Stuur YouTube video SKAKELS, en NIE WhatsApp video's NIE!
INDIVIDUE / INDIVIDUALS
Individuele deelname is vir sprekers wat selfvertroue wil opbou en hul redenaarsvaardighede wil verbeter. Of jy ‘n beginner of ‘n ervare spreker is, daar is ‘n kategorie vir jou.
Voorbereide Toesprake
Indien jy jou toespraak vooraf wil skryf en inoefen, kies een van die volgende afdelings:
-
AFDELING A:
Onervare Sprekers – Vir deelnemers wat nog nie aan ATKV of ‘n nasionale kompetisie se semi-finaal deelgeneem het nie. -
AFDELING B:
Ervare Sprekers – Vir deelnemers wat WEL al aan ATKV deelgeneem het... ervaring op ‘n hoër vlak. -
SECTION C:
Orators – ‘n Engelse redenaars-toespraak waar jy ‘n standpunt verdedig en jou gehoor probeer oortuig. -
AFDELING D:
Motiveringstoespraak – Hier gaan dit oor inspirasie en bemoediging. Jou doel is om jou gehoor moed in te praat en te motiveer. -
SECTION E:
Public Speaking – ‘n Toespraak waar jy jou idees deel SONDER om oor iets standpunt in te neem. -
AFDELING F:
Vermaaklikheidstoespraak – Hier kan jy jou gehoor met humor en kreatiwiteit vermaak. -
AFDELING G:
Afrikaans Addisionele Taal – LET WEL: Die afdeling is slegs vir NIE-moedertaalsprekers wat Afrikaans wil gebruik vir hul redenaarsoptrede.
SPANNE / TEAMS
Saam met ‘n span – van 3 OF 4 sprekers – het jy die kans om ‘n sterk boodskap oor te dra en in ‘n span-dinamika te leer hoe om effektief saam te werk. Spanne kan in Afrikaans en/of Engels deelneem en word volgens graadgroepe ingedeel:
Graadgroepe vir Spanne:
- Gr 1 – 3
- Gr 4 – 5
- Gr 6 – 7
- Gr 8 – 9
- Gr 10 – 12
Hoe werk dit?
- Spanne kies of hulle ‘n voorbereide of onvoorbereide toespraak wil lewer.
- Kwalifiserende rondes vind plaas via WhatsApp-video-opnames.
- Geen semi-finale vir spanne nie – presterende spanne gaan direk deur na die finaal in Pretoria te Laerskool Constantiapark, 12 & 13 September 2025.
ONVOORBEREID - Video's
Hierdie afdeling is vir brawe siele wat vinnig kan dink en senuwees van staal het. Deelnemers kry hul onderwerp 60 / 120 minute voor hulle moet begin praat, wat beteken jy moet jou boodskap vinnig struktureer en oordra sonder vooraf voorbereiding.
Graadgroepe vir Onvoorbereid:
- Gr 4 – 5
- Gr 6 – 7
- Gr 8 – 9
- Gr 10 – 12
Hoe werk dit?
- Nadat jy geregistreer het, sal KANSVATTER op 'n stadium jou voorkeurdatum en -tyd bevestig.
- Jou onderwerp word ongeveer 10 minute voor jou amptelike begintyd aangestuur.
- Individuele sprekers het 1 uur om voor te berei.
- Spanne het 2 ure om voor te berei.
- Nadat jy jou toespraak voltooi het, laai jy dit op YouTube en stuur die skakel via Telegram vir beoordeling.
WHATSAPP VIDEO-OPROEPE – HOE WERK DIT?
Alle INDIVIDUELE VOORBEREIDE kwalifiserende rondes en semi-finale vir Kansvatter 2025 word aanlyn via WhatsApp-video-oproepe gehou. Dit maak dit maklik vir deelnemers regoor die land om deel te neem sonder om te reis.
Sodra jou registrasie voltooi is, sal KANSVATTER op ‘n stadium ‘n datum en tyd met jou bevestig vir jou WhatsApp-video-oproep-afspraak.
Maak 100% seker alles is in plek so 10 minute VOOR jy jou oproep ontvang. Wanneer jy jou WhatsApp-video oproep ontvang, volg jy die volgende riglyne:
- Jou naam, van, skool, Afdeling, en provinsie sal met jou bevestig word EN jy deel dan jou onderwerp.
- Wag 3 sekondes, dan begin jy met jou toespraak.
- Die kamera moet jou halflyf wys sodat jou gesigsuitdrukkings en notahantering sigbaar is.
- Kyk reguit in die kamera – jou gehoor is “in” die kamera.
- Hou jou omgewing stil en professioneel – geen afleidings of harde geluide nie.
- Geen spesiale beligting is nodig nie, solank jou gesig duidelik sigbaar is.
- Na afloop van jou toespraak sal jy hartlik bedank word.
Alle sprekers word beoordeel deur ervare en bekwame beoordelaars, en semi-finaliste sal weer ‘n WhatsApp-video-oproep moet doen. Indien jy deurdring na die nasionale FINAAL, sal jy lewendig in Pretoria, Gauteng te Laerskool Constantiapark, 13 & 14 September 2025 aan die kompetisie deelneem.