KANSVATTER 2027
Jou stem. Jou verhoog. Jou oomblik.
Welkom by KANSVATTER 2027, redenaarskompetisie wat jong sprekers bemagtig om hul selfvertroue te bou, hul vaardighede te slyp en ‘n blywende indruk op gehore te maak.
Is dit vir my kind?
Of jy ‘n beginner of ‘n ervare spreker is, hier kry jy die perfekte geleentheid om jou stem te laat hoor en deel te wees van ‘n kompetisie wat passie, talent en deursettingsvermoë vier.
Sprekers van alle ouderdomme (Graad 1 – 12) word uitgedaag om met oortuiging en selfvertroue hul gedagtes te deel – of dit nou ‘n redenaarstoespraak, ‘n motiveringstoespraak, of ‘n vermaaklikheidstoespraak is… Afrikaans of Engels.
Met verskeie deelname-opsies kan jy individueel deelneem OF saam met ‘n span werk, of jou vaardighede met ‘n onvoorbereide toespraak toets. Ons streef daarna om ‘n eerlike, stimulerende en regverdige platform te bied waar elke deelnemer ‘n kans kry om te groei en te presteer.
Hierdie is nie net ‘n kompetisie nie – dis ‘n geleentheid om te leer, te ontwikkel en jou stem kragtiger as ooit te maak!
INDIVIDUE
Individuele deelname is vir sprekers wat selfvertroue wil opbou en hul redenaarsvaardighede wil verbeter. Of jy ‘n beginner of ‘n ervare spreker is, daar is ‘n kategorie vir jou.
Voorbereide Toesprake:
Afdeling E: Vlamvat! Die splinternuwe voorgeskrewe afdeling waar net jou aanbieding tel. Die woorde is gegee. Die vuur is joune.
Geen tyd of stres om ’n toespraak van nuuts af te skryf nie? Ons voorgeskrewe toesprake sit jou kind dadelik agter die mikrofoon.
-
AFDELING A:
Onervare Sprekers – Vir deelnemers wat nog nie aan ATKV... OF ‘n ander nasionale kompetisie se semi-finaal deelgeneem het nie. -
AFDELING B:
Ervare Sprekers – Vir deelnemers wat WEL al aan ATKV deelgeneem het... OF aan die semi-finaal of finaal van 'n ander kompetisie deelgeneem het... ervaring op ‘n hoër vlak. -
AFDELING C:
Persuasive Speech – ‘n Engelse REDENAARS-toespraak waar jy ‘n standpunt verdedig en jou gehoor probeer oortuig. -
AFDELING D1:
Motiveringstoespraak – Hier gaan dit oor inspirasie en bemoediging. Jou doel is om jou gehoor moed in te praat en te motiveer.
AFDELING D2:
Motivational Speech -
AFDELING E:
Vlamvat — die voorgeskrewe afdeling, waar net aanbieding tel.
“Die woorde is gegee. Die vuur is joune.”
By Vlamvat is aanbieding ‘n kuns op sy eie. Die deelnemer ontvang ‘n voorgeskrewe toespraak (een van Petrus Jacobs se eie toesprake uit vorige jare) en hoef dit nie self te skryf nie. Die spreker word net op aanbieding beoordeel — stem, pouses, styl, oogkontak en oortuiging — nie op inhoud nie. Oop vir elke spreker wat sy aanbiedingsvaardighede wil slyp, van die nuweling tot die ervare redenaar. Alle graadgroepe (Gr 1–3 tot Gr 10–12), in Afrikaans en Engels.
Lees meer oor Vlamvat -
AFDELING F1:
Vermaaklikheidstoespraak – Hier kan jy jou gehoor met humor en kreatiwiteit vermaak.
AFDELING F2:
Entertainment Speech -
AFDELING G:
Afrikaans Addisionele Taal – LET WEL: Die afdeling is slegs vir NIE-moedertaalsprekers wat Afrikaans wil gebruik vir hul redenaarsoptrede.
SPANNE
Saam met ’n span het leerders die kans om ’n sterk oorredingsboodskap oor te dra en te leer hoe om effektief saam te werk. Spanne kan in drie kategorieë deelneem:
Spanredenaars (Afrikaans Huistaal)
3 of 4 sprekers per span.
Spanredenaars (Afrikaans Eerste Addisionele Taal — EAT)
2, 3 of 4 sprekers per span. Die bestaande redenaarsreëls geld steeds — die kleiner minimum ledetal maak deelname vir EAT-leerders en skole meer toeganklik.
Team Orators (English)
3 of 4 sprekers per span.
Spanne word volgens die volgende graadgroepe ingedeel:
Graadgroepe vir Spanne:
- Gr 1 – 3
- Gr 4 – 5
- Gr 6 – 7
- Gr 8 – 9
- Gr 10 – 12
Hoe werk dit?
- Spanne kies of hulle ‘n voorbereide of onvoorbereide toespraak wil lewer.
- Ronde 1 se beoordeling vind via YouTube video SKAKELS plaas wat op KANSVATTER se sisteem gelaai gaan word vir beoordeling.
- Geen semi-finale vir spanne nie – presterende spanne gaan direk deur na die Nasionale Finaal (datum en plek word binnekort bekend gemaak).
ONVOORBEREID - Video's
BEGIN DERDE KWARTAAL:
Hierdie afdeling is vir brawe siele wat vinnig kan dink en senuwees van staal het. Deelnemers kry hul onderwerp 60 / 120 minute voor hulle moet begin praat, wat beteken jy moet jou boodskap vinnig struktureer en oordra sonder vooraf voorbereiding.
Graadgroepe vir Onvoorbereid:
- Gr 4 – 5
- Gr 6 – 7
- Gr 8 – 9
- Gr 10 – 12
Hoe werk dit?
- Nadat jy geregistreer het, sal KANSVATTER op 'n stadium - VROEG DIE 3E KWARTAAL - jou voorkeurdatum en -tyd aanvra. Slegs die Onvoorbereid-afdeling se skedulering gebeur via WhatsApp. Ronde 1 se video's word via die KANSVATTER-sisteem ingedien.
- Jou onderwerp word ongeveer 10 minute voor jou amptelike begintyd aangestuur.
- Individuele sprekers het 1 uur om voor te berei.
- Spanne het 2 ure om voor te berei.
- Nadat jy jou toespraak voltooi het, laai jy dit op YouTube en laai die skakel op die KANSVATTER sisteem met 'n unieke skakel wat jy via epos van KANSVATTER af sal ontvang.
TYDBEPERKINGS PER GRAADGROEP
1. Voorbereid — Individue
| Graadgroep | Tydsduur |
|---|---|
| Graad 1–3 | 2–4 minute |
| Graad 4–5 | 3–5 minute |
| Graad 6–7 | 4–6 minute |
| Hoërskool (Gr 8–12) | 5–7 minute |
Afdeling E: Vlamvat het geen voorgeskrewe tydsduur nie.
2. Voorbereid — Spanne
| Graadgroep | Afrikaans Huistaal & Engels (3–4 sprekers) | Afrikaans EAT (2–4 sprekers) |
|---|---|---|
| Graad 1–3 | 8–12 minute | 7–11 minute |
| Graad 4–12 | 11–15 minute | 10–14 minute |
3. Onvoorbereid — Individue
| Graadgroep | Tydsduur |
|---|---|
| Graad 4–12 | Geen minimum — nie langer as 5 minute nie |
4. Onvoorbereid — Spanne
| Graadgroep | Tydsduur |
|---|---|
| Graad 4–12 | 6–10 minute |
Pad na die Verhoog
Die Spreker se Reis — drie helder stappe van die eerste video tot die nasionale verhoog.
Video-uitdunning (Ronde 1)
Gerieflik en sonder reisstres — neem jou video by die huis of skool op en laai dit op. Elke spreker kry gedetailleerde terugvoer om hul talent verder te ontwikkel.
Semifinaal (Video-opnames)
Staan uit tussen die top-sprekers en kry weer gedetailleerde terugvoer om jou toespraak te slyp.
Die Nasionale Glansfinaal
Stap op die nasionale verhoog voor ’n lewendige gehoor en gryp jou nasionale toekenning.
Let wel: Spanne het geen semifinaal nie. Die spanne wat die beste presteer in Ronde 1, dring deur na die Nasionale Finaal.
KANSVATTER 2027 DATUMS
Individue (Voorbereid)
GROEP A:
Gauteng · Mpumalanga · Oos-Kaap
Registrasie sluit: 26 April 2027
Ronde 1 — video-oplaai op die KV-stelsel: 8 – 22 Mei 2027
Semifinaal — video-oplaai op die KV-stelsel: 23 – 31 Julie 2027
GROEP B:
Noordwes · Limpopo · KwaZulu-Natal
Registrasie sluit: 3 Mei 2027
Ronde 1 — video-oplaai op die KV-stelsel: 24 – 31 Mei 2027
Semifinaal — video-oplaai op die KV-stelsel: 23 – 31 Julie 2027
GROEP C:
Wes-Kaap · Noord-Kaap · Vrystaat
Registrasie sluit: 2 April 2027
Ronde 1 — video-oplaai op die KV-stelsel: 19 – 24 April 2027
Semifinaal — video-oplaai op die KV-stelsel: 24 – 29 Mei 2027
SPANNE & NASIONALE FINAAL:
Ronde 1 — video-oplaai op die KV-stelsel (Voorbereid): 20 – 28 Julie 2027.
Nasionale Finaal: datum en plek word binnekort bekend gemaak.
DIE NASIONALE FINAAL
Waar?
Die KANSVATTER 2027 Nasionale Finaal word LEWENDIG aangebied. Datum en plek word binnekort bekend gemaak.
Kleredrag vir FINAAL?
Vir die FINAAL dra sprekers skoolklere aangesien hulle hul skole verteenwoordig.
KANSVATTER Ronde 1 en Semi-finaal inligting
Ronde 1 asook Semi-finaal: YouTube video SKAKELS word op KANSVATTER se sisteem gelaai.
LET WEL: Vir 2027 se Ronde 1 asook die Semi-finaal word YouTube video's se SKAKELS op KANSVATTER se sisteem gelaai (NIE WhatsApp oproepe nie)
Alle sprekers word beoordeel deur ervare en bekwame beoordelaars, en semi-finaliste sal weer ‘n YouTube video se SKAKEL oplaai. Indien jy deurdring na die nasionale FINAAL, sal jy lewendig by die Nasionale Finaal (datum en plek word binnekort bekend gemaak) aan die kompetisie deelneem.
REGISTRASIEKOSTE
Individue:
R280 per item
Spanne:
R600 per span
Betaalbesonderhede word in jou bevestigingsepos gestuur, saam met jou KV-verwysing.
